పేదరహిత ఆంధ్రప్రదేశ్ లక్ష్యంగా P4 కార్యక్రమంపై సీఎం చంద్రబాబు సమీక్ష

 

ఆంధ్రప్రదేశ్ రాష్ట్రాన్ని పేదరహితంగా తీర్చిదిద్దే లక్ష్యంతో కూటమి ప్రభుత్వం ప్రతిష్టాత్మకంగా ప్రారంభించిన P4 (People – Public – Private – Partnership for Poverty-free AP) కార్యక్రమంపై ముఖ్యమంత్రి నారా చంద్రబాబు నాయుడు గారు నిరంతర సమీక్షలు నిర్వహిస్తున్నారు.

ఈ క్రమంలో, రాష్ట్రం మొత్తం వ్యాప్తంగా పేదరికాన్ని నిర్మూలించేందుకు చేపట్టిన చర్యలపై అవగాహన పెంపొందించుకునే ఉద్దేశంతో ముఖ్యమంత్రి గారు ఈరోజు "జీరో పేదరికం" అంశంపై ఆన్‌లైన్ సమీక్షా సమావేశం నిర్వహించారు.

ఈ సమావేశంలో గడిచిన వారంలో నిర్వహించిన ఆసుపత్రుల సందర్శనల వివరాలు, వివిధ ప్రాంతాల్లో చేపట్టిన అభివృద్ధి కార్యకలాపాలపై ప్రగతిరిపోర్ట్ ముఖ్యమంత్రి గారికి సమర్పించారు. ప్రజలకు మెరుగైన సేవలు అందించేందుకు ప్రభుత్వం తీసుకుంటున్న చర్యలను ఈ సమీక్షలో విపులంగా చర్చించారు.

పేదరహిత ఆంధ్రప్రదేశ్ రాష్ట్రాన్ని నిర్మించాలనే ముఖ్యమంత్రి చంద్రబాబు గారి కల త్వరలోనే సాకారమవుతుందని అధికార యంత్రాంగం ఆశాభావం వ్యక్తం చేసింది.

ఈ లక్ష్యాన్ని సాధించేందుకు గుంటూరు తూర్పు నియోజకవర్గంలో అవసరమైన ప్రతి అభివృద్ధి పనికి ప్రాధాన్యం ఇస్తూ, P4 కార్యక్రమాన్ని విజయవంతంగా అమలు చేయడానికి ప్రభుత్వ యంత్రాంగం శ్రమిస్తోంది.