గుంటూరు మున్సిపల్ ఇంజినీరింగ్ అధికారులతో ముఖ్య సమావేశం
గుంటూరు: గుంటూరు నగర అభివృద్ధి దిశగా మున్సిపల్ కమిషనర్ ఆధ్వర్యంలో ఇంజినీరింగ్ విభాగం అధికారులతో ముఖ్య సమావేశం జరిగింది. ఈ సమావేశం గుంటూరు పొన్నూరు రోడ్ పార్టీ కార్యాలయంలో నిర్వహించారు. సమావేశంలో నగరంలోని రహదారి పనుల ప్రగతి, భవన కట్టడాలు, ఇతర అభివృద్ధి ప్రణాళికలు, ఎదుర్కొంటున్న సమస్యలు మరియు వాటి పరిష్కార మార్గాలపై సమగ్రంగా చర్చించారు. అధికారులు విభాగాల వారీగా తాజా అప్‌డేట్స్‌ను కమిషనర్‌కు వివరించారు. ప్రజలకు మెరుగైన మౌలిక వసతులు కల్పించేందుకు, స్మార్ట్ సిటీ లక్ష్యాలను సాధించేందుకు, సమన్వయంతో ముందుకు సాగాలని నిర్ణయించారు. "ఈ సమావేశం ద్వారా స్పష్టమైన దిశా నిర్దేశం లభించిందని, కలిసి పనిచేస్తే మంచి ఫలితాలు సాధించగలమని" అధికారులు అభిప్రాయపడ్డారు. సమావేశంలో పాల్గొన్న మున్సిపల్ ఇంజినీరింగ్ విభాగం ప్రతినిధులు, స్థానిక ప్రజా ప్రతినిధులు, సంబంధిత అధికారులు తమ సూచనలు తెలిపారు.