Guntur News Updates

                                             గుంటూరు: గుంటూరు నగరంలోని శ్యామల నగర్ గేట్ పరిసర ప్రాంతంలో తీవ్రంగా పెరుగుతున్న ట్రాఫిక్ రద్దీపై గుంటూరు పశ్చిమ నియోజకవర్గ ఎమ్మెల్యే శ్రీమతి గళ్ళా మాధవి గారు మంగళవారం ఆకస్మికంగా పరిశీలన చేశారు. ఈ సందర్భంగా ట్రాఫిక్ సిఐ శ్రీ సింగయ్యతో సమావేశమైన ఆమె, రద్దీ నియంత్రణ కోసం తక్షణ చర్యలు తీసుకోవాలని సూచించారు. స్థానిక ప్రజలు, వాహనదారులు ఎదుర్కొంటున్న ఇబ్బందులను తెలుసుకున్న ఎమ్మెల్యే గారు, ట్రాఫిక్ సమస్యలను తగ్గించేందుకు రోడ్ల విస్తరణ, వాహనాల సక్రమ పార్కింగ్, సిగ్నల్ వ్యవస్థలో మార్పులు వంటి పలు సూచనలు చేశారు. నగర అభివృద్ధి భాగంగా ట్రాఫిక్ సమస్యలు పరిష్కరించేందుకు అవసరమైన చర్యలు తీసుకుంటామని ఎమ్మెల్యే గారు హామీ ఇచ్చారు. స్థానికులు ఆమె వేగవంతమైన స్పందనపై కృతజ్ఞతలు తెలిపారు.