గుంటూరులో పోలేరమ్మ తల్లి సేవలో ఎమ్మెల్యే గళ్ళా మాధవి
గుంటూరు నగరంలోని 18వ డివిజన్ ఆర్. అగ్రహారం పోలేరమ్మ గుడిలో ప్రత్యేక పూజలు, కొలుపుల కార్యక్రమం ఘనంగా నిర్వహించబడింది. ఈ వేడుకలో గుంటూరు పశ్చిమ నియోజకవర్గ ఎమ్మెల్యే శ్రీమతి గళ్ళా మాధవి ముఖ్య అతిథిగా పాల్గొని అమ్మవారిని దర్శించుకుని ప్రత్యేక ప్రార్థనలు చేశారు. ఈ సందర్భంగా ఎమ్మెల్యే గళ్ళా మాధవి మాట్లాడుతూ, “పోలేరమ్మ అమ్మవారి ఆశీస్సులతో గుంటూరు ప్రజలు సుఖశాంతులతో, ఆరోగ్యంగా ఉండాలని కోరుకుంటున్నాను. ప్రజల ఆశయాలను నెరవేర్చేందుకు, నియోజకవర్గ అభివృద్ధి కోసం ఎల్లప్పుడూ కృషి చేస్తాను” అని తెలిపారు. పట్టణ అభివృద్ధి, ప్రజా సంక్షేమం కోసం దేవుని ఆశీస్సులు తోడై గుంటూరును మరింత ముందుకు తీసుకెళ్లడమే తన లక్ష్యమని పేర్కొన్నారు. ఈ కార్యక్రమంలో స్థానిక నాయకులు, భక్తులు, మహిళలు, పెద్ద సంఖ్యలో ప్రజలు పాల్గొన్నారు. ...