Guntur News Updates

  తెనాలి | తేదీ: 07-08-2025 అంతర్జాతీయ చేనేత దినోత్సవం సందర్భంగా తెనాలి పట్టణ టీడీపీ కార్యాలయంలో విశేష కార్యక్రమాలు నిర్వహించబడ్డాయి. ఈ సందర్భంగా స్థానిక నేతన్నలను ఘనంగా సన్మానించి, వారి సేవలను గుర్తిస్తూ పలువురు నాయకులు ప్రసంగించారు. ఈ కార్యక్రమంలో: 🔹 చేనేత రంగానికి కూటమి ప్రభుత్వం అందిస్తున్న అనేక సంక్షేమ పథకాలు, 🔹 మార్కెటింగ్ వేదికల విస్తరణ, 🔹 నూతన మగ్గాల పంపిణీ, 🔹 హ్యాండ్‌లూమ్ కార్డుల నూతనీకరణ, వంటి అంశాలపై ప్రజలకు అవగాహన కల్పించబడింది. కార్యక్రమం ముగింపులో, ముఖ్యమంత్రి చంద్రబాబు నాయుడు గారి చిత్రపటానికి పాలాభిషేకం చేయడం జరిగింది. ఈ కార్యక్రమంలో శ్రీ నారా లోకేష్ గారు, శ్రీ అలపాటి రాజా గారు, స్థానిక నాయకులు, కార్యకర్తలు పాల్గొన్నారు.

 అమరావతి, గుంటూరు జిల్లా ఈరోజు గురువారం ముఖ్యమంత్రి శ్రీ నారా చంద్రబాబు నాయుడు గారు గుంటూరు జిల్లా మంగళగిరి లో పర్యటించారు. ఉదయం 9:30 గంటలకు, మంగళగిరి వీవర్‌ శాల వద్ద నిర్వహించిన 11వ జాతీయ చేనేత దినోత్సవం కార్యక్రమంలో ముఖ్యమంత్రి పాల్గొన్నారు. ఈ సందర్భంగా, మంత్రి నారా లోకేష్ గారి సహకారంతో గతంలో స్థాపించబడిన వీవర్‌శాలను సీఎం సందర్శించారు. మగ్గాల పనితీరును పరిశీలించి, చేనేత వస్త్రాల తయారీ ప్రక్రియను సమీక్షించారు. అలాగే, చేనేత ఉత్పత్తుల మార్కెటింగ్, వాటి విస్తరణపై చేనేత కళాకారులతో ముఖాముఖి సమావేశమయ్యారు. ఈ సందర్భంగా ఏర్పాటు చేసిన చేనేత ఉత్పత్తుల స్టాళ్లను ముఖ్యమంత్రి పరిశీలించారు. అనంతరం, చేనేత కుటుంబాలతో ప్రత్యక్షంగా మాట్లాడి వారి అభిప్రాయాలు, సమస్యలు విన్నారు. ఈ పర్యటన ముగింపుగా నిర్వహించిన ప్రజా వేదిక సభలో, ముఖ్యమంత్రి ప్రసంగించారు. ఈ కార్యక్రమంలో: మంత్రి మరియు మంగళగిరి శాసనసభ్యులు నారా లోకేష్ గారు రాష్ట్ర మంత్రివర్గ సభ్యుల, ప్రజా ప్రతినిధులు వివిధ శాఖల ఉన్నతాధికారులు పాల్గొన్నారు.