అంగరంగ వైభవంగా శ్రీకృష్ణదేవరాయల 11వ పట్టాభిషేక మహోత్సవం
గుంటూరు, ఆగస్టు 7: గుంటూరు నగరంలోని శ్రీ వెంకటేశ్వర విజ్ఞాన మందిరంలో శ్రీకృష్ణదేవరాయల 11వ పట్టాభిషేక మహోత్సవం అంగరంగ వైభవంగా నిర్వహించబడింది. భారత చరిత్రలో చిరస్థాయిగా నిలిచిన విజయనగర సామ్రాజ్యపు మహారాజైన శ్రీకృష్ణదేవరాయల పరిపాలన తత్వాలను స్మరించుకుంటూ, ఈ కార్యక్రమాన్ని ఘనంగా జరిపారు. ఈ మహోత్సవంలో గుంటూరు తూర్పు నియోజకవర్గ ఎమ్మెల్యే మహమ్మద్ నసీర్ గారు పాల్గొన్నారు. ఆయన మాట్లాడుతూ, “శ్రీకృష్ణదేవరాయల visionary పాలన, న్యాయబద్ధత, ప్రజాహిత భావన నేటి తరానికి గొప్ప స్ఫూర్తి. ఇటువంటి చారిత్రక కార్యక్రమాలు యువతలో చైతన్యం కలిగిస్తాయి” అని పేర్కొన్నారు. ఈ కార్యక్రమంలో పలువురు ప్రజాప్రతినిధులు, చరిత్రపరంగా నిపుణులు, సాంస్కృతిక సంఘాల ప్రతినిధులు హాజరై, కార్యక్రమాన్ని మరింత వైభవోపేతంగా మార్చారు.