Guntur News Updates

                                             తెనాలి, ఆగస్టు 12: క్విట్ ఇండియా ఉద్యమంలో ప్రాణాలు అర్పించిన అమర వీరులకు ఘన నివాళులు అర్పించారు మంత్రి నాదెండ్ల మనోహర్. తెనాలి మున్సిపాలిటీ ఆధ్వర్యంలో రణరంగ చౌక్ వద్ద నిర్వహించిన ప్రత్యేక కార్యక్రమంలో మంత్రి పాల్గొని జాతీయ పతాకాన్ని ఆవిష్కరించారు. అనంతరం అమరుల స్థూపాల వద్ద పుష్పగుచ్ఛాలు ఉంచి అంజలి ఘటించారు. ఈ సందర్భంగా మంత్రి మాట్లాడుతూ, స్వాతంత్ర్య సమరంలో తెనాలి పోషించిన పాత్ర చరిత్రలో చిరస్థాయిగా నిలుస్తుందని పేర్కొన్నారు. ఉద్యమ సమయంలో పోలీస్ కాల్పుల్లో వీరమరణం పొందిన స్వాతంత్ర్య యోధుల త్యాగం దేశానికి స్ఫూర్తిదాయకమని అన్నారు.                                             కార్యక్రమంలో తెనాలి DSP జనార్ధనరావు, స్వాతంత్ర్య సమరయోధుడు షేక్ అబ్దుల్ వహాబ్ కోడలు నూర్జహాన్, హెల్పింగ్ సోల్జర్స్ ప్రతినిధి ఇనయతుల్లా తదితర ప్రముఖులను మ...

                                           ఈ రోజు గుంటూరు నగర మరియు తూర్పు నియోజకవర్గ కార్యాలయంలో వార్డ్ ప్రెసిడెంట్లు, కోర్ కమిటీ సభ్యుల సమావేశం ఘనంగా జరిగింది. ఈ సమావేశానికి గుంటూరు నగర అధ్యక్షురాలు మరియు తూర్పు నియోజకవర్గ ఇంచార్జ్ షేక్ నూరి ఫాతిమా గారు అధ్యక్షత వహించారు. సమావేశంలో పార్టీ బలోపేతం, వార్డ్ స్థాయి కార్యకలాపాలు, రాబోయే కార్యక్రమాల రూపరేఖలపై సమగ్ర చర్చ జరిగింది. నేతలు, కార్యకర్తలు ఏకమై ప్రజలకు చేరువవ్వడం, అభివృద్ధి కార్యక్రమాలను వేగవంతం చేయడం పట్ల నిర్ణయాలు తీసుకున్నారు.

                                                      గుంటూరు: గుంటూరు వెంకటేశ్వర విజ్ఞాన మందిరంలో ఇండియన్ రెడ్ క్రాస్ సొసైటీ ఆధ్వర్యంలో నిర్వహించిన జూనియర్ రెడ్ క్రాస్ ప్రాజెక్ట్ లాంచ్ కార్యక్రమానికి రాష్ట్ర గవర్నర్ గౌరవ శ్రీ అబ్దుల్ నజీర్ గారు ముఖ్య అతిథిగా హాజరయ్యారు. ఈ సందర్భంగా గుంటూరు పశ్చిమ నియోజకవర్గ ఎమ్మెల్యే శ్రీమతి గళ్ళా మాధవి గారు గవర్నర్ గారికి స్వాగతం పలికి, అనంతరం కార్యక్రమంలో పాల్గొన్నారు. ఈ ప్రాజెక్ట్ ద్వారా విద్యార్థుల్లో సామాజిక సేవా భావన, పర్యావరణ పరిరక్షణ, మరియు సింగిల్ యూజ్ ప్లాస్టిక్ నిషేధం పై అవగాహన పెంపొందించడమే లక్ష్యంగా ఉందని నిర్వాహకులు తెలిపారు. కార్యక్రమంలో రెడ్ క్రాస్ ప్రతినిధులు, ప్రజాప్రతినిధులు, విద్యార్థులు, మరియు స్వచ్ఛంద సేవా సంస్థల సభ్యులు పాల్గొన్నారు.                                      

                                               రైల్వే కోడూరు: రైల్వే కోడూరు వ్యవసాయ మార్కెట్ కమిటీ కొత్త చైర్మన్‌గా శ్రీ పగడాల వరలక్ష్మి గారు ప్రమాణ స్వీకారం చేశారు. ఈ కార్యక్రమానికి రాష్ట్ర ఆహార, పౌరసరఫరాల శాఖ మంత్రివర్యులు శ్రీ నాదెండ్ల మనోహర్ గారు ముఖ్య అతిథిగా హాజరయ్యారు. ప్రమాణ స్వీకారోత్సవంలో స్థానిక ప్రజాప్రతినిధులు, మార్కెట్ కమిటీ సభ్యులు, రైతు సంఘ ప్రతినిధులు మరియు వివిధ రాజకీయ పార్టీ నాయకులు పాల్గొన్నారు. ఈ సందర్భంగా మంత్రి నాదెండ్ల మనోహర్ గారు, కొత్త చైర్మన్ నాయకత్వంలో మార్కెట్ కమిటీ రైతుల సంక్షేమం కోసం సమర్థవంతంగా పనిచేస్తుందని విశ్వాసం వ్యక్తం చేశారు .

                                                గుంటూరు: రాష్ట్ర ప్రభుత్వం నాయి బ్రాహ్మణులు నిర్వహిస్తున్న సెలూన్లకు నెలకు 200 యూనిట్లు వరకు ఉచిత కరెంటు అందించనున్నట్లు ప్రకటించిన నిర్ణయంపై గుంటూరు 39వ డివిజన్, మారుతి నగర్‌లోని నాయి బ్రాహ్మణ కాలనీలో హర్షాతిరేకాలు వ్యక్తమయ్యాయి. ఈ సందర్భంగా గుంటూరు పశ్చిమ నియోజకవర్గ ఎమ్మెల్యే శ్రీమతి గళ్ళా మాధవి గారు రాష్ట్ర గౌరవ ముఖ్యమంత్రి శ్రీ నారా చంద్రబాబు నాయుడు గారి చిత్రపటానికి పాలాభిషేకం చేశారు. ఈ నిర్ణయం నాయి బ్రాహ్మణ సమాజానికి ఆర్థిక భారం తగ్గించి, జీవనోపాధిని మరింత సుస్థిరం చేస్తుందని ఎమ్మెల్యే తెలిపారు. ఈ కార్యక్రమంలో స్థానిక నాయకులు, పార్టీ కార్యకర్తలు, నాయి బ్రాహ్మణ సంఘ ప్రతినిధులు పాల్గొన్నారు.                                 

                                   గుంటూరు: పశ్చిమ నియోజకవర్గంలోని 23వ వార్డులో “బాబు షూరిటీ - మోసం గ్యారంటీ” కార్యక్రమానికి సంబంధించి వార్డ్ సమావేశం ఈ రోజు ఘనంగా నిర్వహించబడింది. ఈ సమావేశంలో గుంటూరు నగర అధ్యక్షురాలు మరియు తూర్పు నియోజకవర్గ ఇంచార్జ్ షేక్ నూరి ఫాతిమా గారు ముఖ్య అతిథిగా పాల్గొన్నారు. కార్యక్రమంలో గుంటూరు జిల్లా అధ్యక్షులు మరియు పశ్చిమ నియోజకవర్గ ఇంచార్జ్ అంబటి రాంబాబు గారు, 29వ వార్డ్ కార్పొరేటర్ షేక్ రోషన్ గారు, వార్డ్ నాయకులు కోటి గారు, సుర్సని వెంకట్ రెడ్డి గారు పాల్గొన్నారు. ఈ సందర్భంగా వార్డ్‌లోని ముఖ్య నాయకులు, కార్యకర్తలు, అభిమానులు పెద్ద సంఖ్యలో హాజరయ్యారు. సమావేశంలో ప్రసంగించిన నాయకులు ప్రజా సమస్యలు, అభివృద్ధి కార్యక్రమాలు, మరియు స్థానిక అవసరాలపై చర్చించారు. కార్యక్రమం విజయవంతంగా ముగిసింది.                                         

                                               గుంటూరు: చేనేత కుటుంబాల కలలను నిజం చేస్తూ, ముఖ్యమంత్రివర్యులు నారా చంద్రబాబు నాయుడు గారు తీసుకున్న నిర్ణయాలు చారిత్రాత్మకంగా నిలిచాయి. సంవత్సరానికి ₹25,000 ఆర్థిక సహాయం, చేనేత మెషిన్లకు 200 యూనిట్లు, మరమగ్గాలకు 500 యూనిట్లు ఉచిత విద్యుత్ — ఇవన్నీ కేవలం హామీలుగా కాకుండా, నెరవేరిన వాస్తవాలుగా మారాయి. చేనేత కార్మికుల కృషికి గౌరవం తెలియజేస్తూ, వారి జీవితాల్లో వెలుగులు నింపిన ఈ సంకల్పం రంగానికి పునరుజ్జీవం తీసుకువచ్చింది. ఈ ఆనందాన్ని పంచుకునే క్రమంలో, గుంటూరు విన్నర్స్ కాలనీ పదవ లైన్‌లో చంద్రబాబు నాయుడు గారి చిత్రపటానికి పాలాభిషేకం నిర్వహించారు. ఈ కార్యక్రమంలో పాల్గొన్న ప్రతి ఒక్కరికి గుంటూరు తూర్పు ఎమ్మెల్యే మోహమ్మద్ నసీర్ గారు ధన్యవాదాలు తెలిపారు. ఆయన మాట్లాడుతూ, "చేనేత రంగం అభివృద్ధి, కార్మికుల సంక్షేమం పట్ల సీఎం చంద్రబాబు గారి కృషి అమూల్యం. ఇది తరతరాల పాటు గుర్తుండిపోతుంది" అని పేర్కొన్నారు.         ...