చేనేత రంగం పునరుజ్జీవన దిశగా సీఎం చంద్రబాబు – వాగ్దానం నుంచి అమలు వరకు

                                              

గుంటూరు:

చేనేత కుటుంబాల కలలను నిజం చేస్తూ, ముఖ్యమంత్రివర్యులు నారా చంద్రబాబు నాయుడు గారు తీసుకున్న నిర్ణయాలు చారిత్రాత్మకంగా నిలిచాయి. సంవత్సరానికి ₹25,000 ఆర్థిక సహాయం, చేనేత మెషిన్లకు 200 యూనిట్లు, మరమగ్గాలకు 500 యూనిట్లు ఉచిత విద్యుత్ — ఇవన్నీ కేవలం హామీలుగా కాకుండా, నెరవేరిన వాస్తవాలుగా మారాయి.

చేనేత కార్మికుల కృషికి గౌరవం తెలియజేస్తూ, వారి జీవితాల్లో వెలుగులు నింపిన ఈ సంకల్పం రంగానికి పునరుజ్జీవం తీసుకువచ్చింది. ఈ ఆనందాన్ని పంచుకునే క్రమంలో, గుంటూరు విన్నర్స్ కాలనీ పదవ లైన్‌లో చంద్రబాబు నాయుడు గారి చిత్రపటానికి పాలాభిషేకం నిర్వహించారు.

ఈ కార్యక్రమంలో పాల్గొన్న ప్రతి ఒక్కరికి గుంటూరు తూర్పు ఎమ్మెల్యే మోహమ్మద్ నసీర్ గారు ధన్యవాదాలు తెలిపారు. ఆయన మాట్లాడుతూ, "చేనేత రంగం అభివృద్ధి, కార్మికుల సంక్షేమం పట్ల సీఎం చంద్రబాబు గారి కృషి అమూల్యం. ఇది తరతరాల పాటు గుర్తుండిపోతుంది" అని పేర్కొన్నారు.