సుపరిపాలనలో తొలి అడుగు – ప్రజల చెంతకు అభివృద్ధి, సంక్షేమం

                                      

 ఆంధ్రప్రదేశ్ ప్రభుత్వ ప్రతిష్టాత్మక కార్యక్రమం “సుపరిపాలనలో తొలి అడుగు” భాగంగా, గుంటూరు తూర్పు నియోజకవర్గంలోని 8వ డివిజన్, పాత గుంటూరు గాంధీ బొమ్మ సెంటర్ నుండి కార్యాచరణ ప్రారంభమైంది.

ఈ కార్యక్రమంలో గుంటూరు తూర్పు ఎమ్మెల్యే మహమ్మద్ నసీర్ గారు పాల్గొని, ప్రజలతో ప్రత్యక్షంగా మమేకమయ్యారు. ప్రజల సమస్యలను ప్రత్యక్షంగా విని, వాటికి తక్షణ పరిష్కారాలు చూపించేందుకు అధికారులతో సమీక్షలు నిర్వహించారు.

                                

ఎమ్మెల్యే మహమ్మద్ నసీర్ గారు మాట్లాడుతూ...

             

> "ప్రజల సమస్యలను అడుగడుగునా గుర్తించి, వాటికి సమర్థవంతమైన పరిష్కారాలు చూపించడమే ఈ కార్యక్రమం ఉద్దేశ్యం. అభివృద్ధి, పారదర్శకత, ప్రజాసేవల పట్ల మా కట్టుబాటు స్పష్టంగా ఈ కార్యక్రమంలో కనిపిస్తుంది" అని అన్నారు.

                           

ఈ సందర్భంగా రహదారి మరమ్మత్తులు, శుభ్రత, తాగునీరు, విద్యుత్ వంటి ప్రాథమిక అవసరాలపై అధికారులకు తగిన సూచనలు అందజేశారు. ప్రజల నమ్మకాన్ని నిలబెట్టుకుంటూ, పాత గుంటూరును అభివృద్ధి పథంలో తీసుకెళ్లే దిశగా ప్రణాళికాబద్ధంగా చర్యలు తీసుకుంటామని తెలిపారు.

ఈ కార్యక్రమంలో స్థానిక ప్రజాప్రతినిధులు, అధికారులు, పార్టీ కార్యకర్తలు, స్థానికులు పాల్గొన్నారు.